BOOK.MN | Номын зохиолч Төгсжаргал.Б

Төгсжаргал.Б

Сүхбаатар аймгийн Дарьганга суманд төрсөн. МУИС-ийн утга зохиол судлал, БНХАУ-ын ӨМӨЗО-ны Хайлаар хотын их сургуульд хятад судлаач, МУБИС-д хэл шинжлэлийн ухааны магистр, МУИС-ийн Күнзийн институт, Шандун хотын их сургуулийн Олон улс судлалын тэнхимд тус тус суралцсан. Сэтгүүлч, яруу найрагч, орчуулагч. Монголын Зохиолчдын болон Сэтгүүлчдийн нэгдсэн эвлэлийн гишүүн. МЗЭ-ээс залуу уран бүтээлчдэд олгодог Г.Сэр-Одын шагнал хүртсэн. Яруу найргийн "Сарны өвөрт хонолоо" /2004 он/, "Бүсгүй хүн шүлэг л байдаг" /2006/ түүвэр цомгийг монгол, англи, хятад хэлээр хэвлүүлсэн. Аав сэтгүүлч, яруу найрагч Ишийн Батсүхийн хамт "Нутаг ертөнц" /2012/ шүлгийн цомог, сэтгүүлзүйн ярилцлага, нийтлэл, хөрөг бүхий "Айсуй" /2013 он/ ном бичиж олны хүртээл болгосон. "Дунд сургуульд үзэх сэтгүүл зүйн үндэс", "О.Дашбалбарын яруу найргийн онцлог" зэрэг судалгаа шинжилгээний бүтээлүүд, олон арван нийтлэл өгүүллүүдийг бичсэн. Утга зохиол, сэтгүүл зүй, уран зураг, орчуулгын арав гаруй ном редакторлож, төв орон нутгийн радио, телевиз, сонины газар ажиллаж 100 гаруй нийтлэл тэмдэглэл нэвтрүүлэг бэлтгэсэн. "Монсудар" хэвлэлийн газраас эрхлэн гаргасан "Хятад-Монгол, Монгол-Хятад" /2012/ толь бичгийн редактораар ажилласан. Мөн хэл бичгийн ухааны доктор, профессор нэрт дуун хөрвүүлэгч Ц.Базаррагчаагийн хамт "Хятад-Монгол хэлц үгийн толь" /2013/, хятад хэлний орчуулагч З.Дашдоржийн хамт "Хятад-Монгол хэлний зүйл хуваасан толь бичиг" хэвлүүлсэн.