Бясалгагч охины зүүд
- ISBN: 978-99962-0-412-8
- Хавтас: Зөөлөн
- Хэвлэгдсэн он: 2011
- Хуудас: 150
- Хэмжээ:
- Үлдэгдэл: Дууссан
Бясалгагч охины зүүд шиг цав цагаахан талд
Би төрсөн, удаан амьдарсан
Билгийн чинадаас над уруу айсуй олон шувуудтай
Эрхэлж тоглосон
Эрвээхэй атааж эрээн гоёлоон дэлгэж
Өмнө минь эргэлдэх барьж авалгүй
Их л холоо нисэхээр би өөрөө шувуу болон тэндээс ниссэн
Тэнгэрийн тухай шүлэг бичээд ганцаараа уншсан
Тэртээ холоос над уруу айсуй сүрэг хунгийн дуунаар
Шүлэг зохионо
Тэргэл сар, од эрхэс, тэмдэглэлт өдрүүдийн их баяр хөөр дунд
Тэнхлэгээн эргэх эх дэлхийн тухай олон зүйлийг эргэцүүлсэн
Бясалгагч охины зүүд шиг цав цагаахан талд
Би хайрласан, хүү төрүүлсэн
Бийр барин зураг зурж, олон олон хөрөг зурсан
Энгийн л нэг байшинд амьдарч, бүүвэй аялж
Гурвалжин дүрс зураад
Эгэл жирийн өдрүүдийг хамтдаа өнгөрүүлж
Айл гэр болж тоглосон...
