Солиот
Эрхлэн гаргасан: Болор судар хэвлэлийн газар
- ISBN: 978-99962-3-844-4
- Хавтас: Хатуу
- Хэвлэгдсэн он: 2015
- Хуудас: 802
- Хэмжээ: 148*210мм
- Жин: 701
- Үлдэгдэл: Дууссан
"СОЛИОТ"
Ф.М.Достоевский хүний хорвоогийн жаргал зовлонгийн зангилаа, хөгжин дэвжих тавилангийн нарийн учрыг тайлах олон роман туурвисны нэгээхэн шилдэг нь “Солиот” хэмээх бүтээл юм. Энэхүү алдарт романыг БОЛОР СУДАР хэвлэлийн газраас уншигчиддаа хүргэж байна.
Романы гол баатар олонд “солиот” хэмээгдсэн, эдгэшгүй өвчин хуучтай, сурвалжит гаралтай Мышкин нас залуу, амьдралын туршлага сайн суугаагүй ч, туулсан зовлон, сурсан мэдсэн, үзсэн харснаа зөв ухаарснаар тэрхүү ариун сэтгэлийн биелэл болж чадаж байгаа бол, бага насандаа өнчирч, хорон санаат баяны хуял тачаалын золиос болсон Настасья бүсгүй хүний мөсийг гээлгүй, амраг сэтгэлийнхээ төлөө амиа алдана...
Нийгэм олныг ч, нэг хувь хүнийг ч эцсийн бөлөгт сэтгэлийн ариусал аврах ёстойг эл романы баатруудын аж амьдрал, хэрэг явдал, зан аяг, хүсэл тэмүүлэл, нүгэлт тэнэглэл, ад тачаал бэлхнээ мэдрүүлнэ.
Ф.М.Достоевскийн “Гэм зэм”, “Карамазовын хөвүүд” романуудыг эх хэлнээ хөрвүүлсэн Ц. Гомбосүрэн гуайн орчуулгаар энэхүү суут бүтээлийг Монголын уншигчиддаа толилууллаа.
