Essential Grammar in Use
- ISBN: 978-1-1074-8053-7
- Хавтас: Зөөлөн
- Хэвлэгдсэн он: 2015
- Хуудас: 320
- Хэмжээ: 200х270 мм
- Үлдэгдэл: Дууссан
"Essential Grammar in Use" ном нь англи хэлний анхан шатны (Beginner to Elementary, A1–A2) суралцагчдад зориулагдсан дүрмийн гарын авлага юм. Зохиогч Raymond Murphy энэхүү номыг бие даан сурах болон танхимаар ашиглахад хялбар байхаар боловсруулсан. Номын бүтэц нь хоёр нүүрэн дээр суурилсан. Зүүн талд нь дүрмийн тайлбар, баруун талд нь тухайн сэдэвтэй холбоотой дасгалууд байрлана. Мөн номын ард хариултын хэсэг, QR код уншуулан аудио сонсох хэсэгтэй.
Нийт 115 сэдэв бүхий энэхүү ном нь одоо цаг, өнгөрсөн цаг, ирээдүй цаг, нөхцөлт хэлбэр, модаль үйл үг, угтвар үг зэрэг гол дүрмийн ойлголтуудыг энгийн, ойлгомжтой хэлээр тайлбарладаг.
Номын тайлбарууд нь бодит амьдралд хэрэглэгддэг өдөр тутмын ярианаас сэдэвлэгдсэн байдаг тул суралцагчдад хэрэглээний чадвар суулгахад тустай. Мөн үгсийн сан хэтэрхий академик бус, сурагчдын түвшинд нийцсэнээрээ онцлог. Энгийн, логик дараалалтай бүтэцтэй учир эхлэн суралцагчдад англи хэлний дүрмийн суурь ойлголт өгч, итгэлтэйгээр хэл сурахад тусалдаг.
