Хавар л би чамаас хагацаж эс чадна
- ISBN: 978-9919-27-278-4
- Хавтас: Зөөлөн
- Хэвлэгдсэн он: 2022
- Хуудас: 104
- Хэмжээ: 145х205 мм
- Жин: 300
- Үлдэгдэл: Дууссан
"Хавар л би чамаас хагацаж
эс чадна" шүлгийн түүвэр нь Яруу найрагч Баасанжавын Оролзод агсны нэрэмжит "Тогоруутай нуурын айзам-II" анхны номын уралдаанд тэргүүн шагнал хүртэж, хэвлэгдсэн болно.
БУРХАНЫ ҮНЭРТ
Ингэхэд, би чинийхээ үнэрийг
Энгэсэг будаг, анхилам сүрчигээр биш
Энгийнээс энгийн хурган дээлний чинь
Сэтгэл өрдсөн дулаахан үнэрээр л төсөөлдөг
Намар намарт эвхээс задлан өмсдөг
Аржгар хурган дээлнээс чинь...
Авдрын хуучин мод,
Арц утлага, баадангийн ямбуу
Аавын тань улаан дүнсийг хүртэл
Ангилж, ялгаж, таньж үнэртдэг би
Ончирсон нугалаа бүхнээс сэнхийх
Салхи сүлсэн элдүүрийн үнэрийг
“Шинэ” гэдэг ганц үгээр л төсөөлж
Сэтгэл алдан, алдан үнэртэх дуртай би.....
