Зохиолчийн хөдөлмөрийн тухай
- ISBN:
- Хавтас: Хатуу
- Хэвлэгдсэн он: 2021
- Хуудас: 345
- Хэмжээ: 177х254 мм
- Жин: 748
- Үлдэгдэл: Үлдэгдэлтэй байна
1950-иад оны дунд үеэс Гаадамба (Га) багшийн бичиж хэвлүүлсэн ном товхимол, шүүмж судалгааны өгүүллүүдийг нэгтгэн үзвээс үнэндээ "Утга зохиолын онолын товч" онолын бүтээлийнх нь тайлбар гэлтэй. Тухайлбал Зохиолын төрөл зүйлийн тухай онолын ойлголтод "Уран зохиолын хэв шинжийн асуудалд", "Гоо зүй түүний категорийн учир", "Орчин монгол уянгат яруу найргийн зарим шинэ төрөл зүйлийн судалгаанаас" өгүүллүүд; Уран зохиол гэж юуг хэлэх, уран сайхны тухай ойлголтод "Зохиолын доторхи уран сайхны нээлтийн тухай", "Утга зохиолын түүхийг боловсруулахад анхаарья" өгүүллүүд; Уран дүрийн тухай ойлголтод "Уран дүрийн гайхамшиг", "Сэтгэлийн диалектикийг нарийн дүрслэх нь" өгүүллүүд; Уран зохиолын хэлний тухайд "Уран зохиолын хэлний тухай сэтгэмж", "Зарим романы хэл найруулгын тухай асуудалд", "Хүүхдийн зохиолын хэлний учир" өгүүллүүд; Уран зохиолын урсгал чиглэлийн тухай ойлголтод "Монголын уран зохиол дахь реалист чиглэл", "Уран зөгнөлийн зохиолын тухай" өгүүллүүдийг жишээ болгон дурдаж болох бөгөөд ерөөс түүний бичсэн шүүмж, шүүмжлэлийн бүтээлүүд нь нэг талаас бичиж буй тухайн бүтээлийн уран сайхны задаргаа үнэлгээ мэт байвч нөгөө талаас өөрийн бичсэн онолын ойлголтуудын амьд баримт жишээ болсон байдгаараа онцлогтой юм. Эдүгээ их эрдэмтэн зохиолчийн 90 насны ойгоор түүний бүтээлүүдийг цувралаар хэвлэх ажлын хүрээнд энэхүү "Утга зохиолын онолын товчийн тайлбаруудыг" уншигч олноо хүргэж байна.
