Эрүүл удам: Жирэмсэн эмэгтэйчүүдэд зориулсан мэргэжлийн эмч нарын зөвлөгөө
- ISBN: 978-9919-21-106-6
- Хавтас: Зөөлөн
- Хэвлэгдсэн он: 2023
- Хуудас: 120
- Хэмжээ: 148x210 мм
- Жин: 150
- Үлдэгдэл: Үлдэгдэлтэй байна
"Хүүхэдтэй болохоор төлөвлөхөөс эхлээд бяцхан үрээ өлгийдөн авах хүртэлх урт аялал нь тухайн хосын болоод гэр бүлийн амьдралын хамгийн нандин, аз жаргалтай нөгөөтэйгөөр хариуцлагатай үеүдийн нэг байдаг. Хэвлийдээ байгаа ураг ээжийнхээ сэтгэл зүйн байдлыг дуурайж, идсэн хоолны амтыг мэдэрч, гэр бүлийнхнийхээ дууг сонсож байдаг. Энэ хорвоод мэндлэх бэлтгэлээ цаг хоромтой уралдан хийж байдаг учир зүрх нь биднийхээс хоёр дахин хурдан цохилдог талаар мөн түүнчлэн ургийн хөгжлийн өөр олон гайхалтай мэдээллүүдийг уншигч та энэ номоос авах болно. Жирэмсний хяналт нь эрүүл мэндийн боловсрол олгох, эрсдэлийг үнэлэх, шаардлагатай үед эмийн эмчилгээ хийх гэсэн үндсэн гурван хэсгээс бүрддэг. Иймд жирэмсэн болохоор төлөвлөж байгаа болон жирэмсэн эмэгтэйчүүд, тэдгээрийн гэр бүлд зориулан энэхүү номыг бичив. “Эрүүл удам” ном нь жирэмслэлтэд бэлтгэхэд анхаарах зүйлс, жирэмсний нэг, хоёр болон гурав дахь гурван сар, төрсний дараах үе гэсэн 5 бүлэгтэй. Энэхүү номд жирэмсний долоо хоногуудын ургийн хөгжил, жирэмсэн эмэгтэйн биед гарах өөрчлөлт, эмнэлэгт яаралтай үзүүлэх шинж тэмдгүүд зэрэг хамгийн сүүлийн үеийн мэдээллийг уншихад хялбар байдлаар оруулахыг зорилоо. Мөн дараах онцлог сэдвүүдийг багтаасан болно. Үүнд: ихэр жирэмсэн, үр шилжүүлэн суулгалт, төрсний дараах сэтгэл гутрал, жирэмслэлтээс хамгаалах аргууд зэрэг орно.
