Өчүүхэн дорой өгөөмөр уудам ертөнцөд
- ISBN: 978-99978-7-412-2
- Хавтас: Зөөлөн
- Хэвлэгдсэн он: 2020
- Хуудас: 256
- Хэмжээ: 180*125мм
- Жин: 215
- Үлдэгдэл: Дууссан
Өгүүллэг, тэмдэглэлийн түүвэр юм. 19 өгүүллэг, тэмдэглэл оров.
"....Ер нь Балжий самганд “Хүн шиг бай, чи” гэж нэг зандруулаад авбал ямар ч эрдэмтэй, гүрэмтэй ламаар ном уншуулснаас илүү санаа сэтгэл сэргээд, ажил үйлс бүтээд явчихдаг гэж хууччуул хааяа нэг ярьдаг байсныг Яндагийн согтуу ухаан бүүр түүрхэн санажээ. Яагаад тэгдгийг нь даанч мэдэхгүй юм даа. Хэдэн жилийн өмнө тэнгэртээ явж одсон Омбооног хөгшин нэг удаа, “Хэрвээ Балжий самган чамайг “Хүн шиг бай, чи” гэн загнаж зандарч буй бол явдал суудал чинь буруудаад, санаа сэтгэл чинь цөвтчихөөд байна л гэсэн үг. Тэгээд нэг явдал суудлаа эргэн сайтар шинжиж, засаж залаад авах ёстой болдог юм. Голоор нь л туучихдаг хүн дээ, тэр айхтар самган шүү. Нутгийн нуруу гэдэг чинь уг нь ийм л хүнийг хэлээд байгаа юм. Түүнээс эмгэнийхээ үгэнд аргамжаатай мань мэт нь яаж ч нутгийн нуруу болох билээ” хэмээн үглэж байсныг ч бас санажээ. Тийм болохоор одоо нэг юм бодсон болоод шомбойгоод цэмцийгээд суулгүй яахав. "
