Шпессарт дахь буурчийн газар

Ангилал: Гадаадын уран зохиол

Шпессарт дахь буурчийн газар



Эрхлэн гаргасан: Болор судар хэвлэлийн газар

  • ISBN: 978-99978-6-437-9
  • Хавтас: Хатуу
  • Хэвлэгдсэн он: 2019
  • Хуудас: 526
  • Хэмжээ: 148*210мм
  • Жин: 630
  • Үлдэгдэл: Үлдэгдэл байгаа

  • 0.0

  • Үндсэн үнэ: 24,900 ₮
  • Хямдарсан үнэ: 22,410 ₮
  • Төлөх үнэ: 22,410 ₮

“Шпессарт дахь буурчийн газар” хэмээх ямар нэгэн ид шидийн нууцыг агуулсан мэт сэтгэл хөдөлгөм нэртэй ном анх 1828 онд Германы Штуттгарт хотод хэвлэгдээд улам улмаар дэлхийн олон хэлнээ орчуулагдан тарсаар Монгол газар гарсан нь 1984 он юм. ВильгельмХауф ид хорин хэдэн насандаа үлгэрийн түүвэр жил дараалан хэвлүүлсэн бийн аль алинаас авч эмхэтгэн уул герман хэлнээс манай авьяаслаг орчуулагч Дамдинсүрэнгийн Алтанхуяг монголчилж тухайн үеийн Улсын хэвлэлийн газраас эрхлэн гаргасан нь тэр билээ. Ер бусын газар орон, адал жигтэй үйл явдал, уран сайхан өгүүлэмж, тод томруун дүрүүдээрээ өвөрмөц сонин юм шимтэн унших хүүхэд томчуудын сэтгэлийг эрхгүй хөдөлгөн баясгасан энэ номын тухай бахдан хэлэлцэх нь олон монгол уншигчдын дунд одоо ч тасрахгүйгээр үл барам дахин хэвлэгдэн гараасай хэмээн хүсэмжлэх нь илэрхийн тулд, мөн Европ зүгийн олон үндэстний бичгийн соёл, үлгэр домгийн сэтгэлгээ, түүний далай баян өвөөс Монголынхоо багачуудад чадлын хэрээр дуртган толилуулж ирсэн өмнөх үеийнхний хичээл зүтгэлийг буухиалан залгуулахын чухлыг бодож манай хэвлэлийн газраас энэхүү номыг монголоор анх гарсных нь 35 жилийн ойн дээр дахин эрхлэн хэвлүүлж байна. Ингэхдээ анхны тэр орчуулгын яруу сайхныг бахдан хүндэтгэж, авьяас билигт тэрхүү дуун хөрвүүлэгчийн нэг үнэт туурвилыг монгол уншигчдад дахин нээн мэдүүльюү хэмээн зориод уул эх орчуулгаар нь хэвлүүллээ. Мөн өнөө цагт нийтээр хэрэглэхийг төр засгаас тушаан нэвтрүүлсэн Монгол хэлний зөв бичих дүрмийн журамласан толийн хэм хэмжээнд нийцүүлэхийг чармайснаас өөрөөр уул эхэд аймшиггүй халдсангүй.

Сэтгэгдэл бичих
Үнэлгээ өгөх: