Хубилай сэцэн хаан
Эрхлэн гаргасан: Соёмбо пресс ХХК
- ISBN: 978-99929-4-192-8
- Хавтас: Хатуу
- Хэвлэгдсэн он: 2013
- Хуудас: 466
- Хэмжээ: 140х205 мм
- Жин: 470
- Үлдэгдэл: Үлдэгдэлтэй байна
Бөмбөрцөг дэлхийн нийтийн он тооллын нэгэн мянга хоёр зуун хорин долоон он агаад монголчуудын нар, сар, одтой харьцуулан билигшээснээр дөрөвдүгээр жарны улаагчин гахай жил байлаа. Их Монгол улсын гал голомт асаж бадарсан цагаас хорин нэгэн жил өртөөлж оджээ. Улаалан одсон хорин нэгэн жилд их эзэн Чингис хаан эмээл дээрээ бэхлээтэй мэт хүлэг морины зоон дээрээс амсхийн буусангүй ээ. Монгол цэргүүдийн нүүдэл цагаан, хар арьстанаар сэлбэгдэн Евразийн хуурай газрыг морины туурайгаар тамгалж зай завсаргүй дугуй хээ дарж орхижээ. Газар хээлэгдээд зогссонгүй хүмүүс нь монголчуудын нүүдэлд татагдан орж их урсгал дунд цусаа урсгаж морины зоо нуруун дээр амьдрах болжээ. Энэ удаа монгол цэргүүд Тангудын нутагт олон түүдэг гал чөдөр мэт зангидаж орхиод буцав. Чингис хаан их нүүдлийн дунд гэр тэргэнд явж байна. Тэрхүү чөдөрлөн асаасан галан түүдгийг Тангудын бөө зайран нар холын уулс дээрээс хараад "үхлийн улаан нүд" хэмээн балмагдан сандарч монголчуудын араас хараал буулгажээ.
