УИХ-аас баталсан "Монгол хэлний тухай хууль"-д "ЕБС-д үндэсний бичгийг 6-р ангиас төгстөл тусгай хөтөлбөрөөр заах, их сургуульд элсэгчдээс авах ЕШ болон төрийн албанд анх орох иргэнээс авах Mонгол хэлний шалгалтын агуулгын 4/1-ээс доошгүй нь монгол бичгийн мэдлэгийг үнэлэхэд чиглэнэ" гэсэн заалтыг үндэслэн үндэснийхээ бичиг үсэг, түүх соёлыг өвлүүлэн үлдээхэд хувь нэмэр оруулах үүднээс Ё.Жигмид олон жил монгол бичгийг залуу хойч үеийнхэндээ зааж сургаж ирсэн туршлагадаа түшиглэн "Монгол бичгийг хэрэглээнд тулгуурлан богино хугацаанд сургах арга" номоо толилуулж байна.
Энэхүү гарын авлага нь суралцагчдын монгол бичгийг богино хугацаанд сурах хэрэгцээ сонирхолд нийцүүлэн, цагаан толгойг багцлан таниулах аргаар ойлгуулах төдийгүй унших, хөрвүүлэх, галиглах дасгал ажлууд, сургалтын төлөвлөгөөнд тусгагдсан хэрэглээнд тулгуурласан бичил эхүүдийг оруулснаараа онцлогтой юм.