Алан-гуа эхийн домог
- ISBN: 978-99973-5-432-7
- Хавтас: Зөөлөн
- Хэвлэгдсэн он: 2015
- Хуудас: 40
- Хэмжээ: 210*284мм
- Жин: 180
- Үлдэгдэл: Дууссан
Чингис хааны язгуур, дээд тэнгэрээс заяатай төрсөн Бөртэ-чоно, гэргий Гуа -Маралын хамт тэнгис далайг гэтэлж ирээд Онон мөрний эх Бурхан халдун ууланд нутаглаж Батцагаан гэдэг хөвүүнийг төрүүлжээ.Батцагааны хөвүүн нь Тамача, Тамачийн хөвүүн Хоричар, Хоричар мэргэний хөвүүн Уужим буурал, Уужим бууралын хөвүүн Сали Хачаун, Сали Хачауны хөвүүн Ихнүдэн, Ихнүдэний хөвүүн Шинсочи, Шинсочийн хөвүүн Харчу юм. Харчугийн хөвүүн Бурхан Халдуны өвөрт орших Бутаган (бут) Боржигидай мэргэн тэргүүнээ төрсөн, Боржигидай мэргэний гэргий нь Монголжин гуа бүлгээ.Монголжин гуагаас төрсөн Торголжин баян, Торголжин баяны гэргий нь Борогчин гуа юм.Тэд Боролдой Хубилай гэдэг залуу хөвүүн зарцтай, дайр бор хоёр хүлэг морьтой бүлгээ.Торголжин баяны хөвүүн нь Дува сохор, Добу мэргэн хоёр юм.Дува сохор хөвүүн нь магнай дундаа ганц нүдтэй гурван нүүдлийн газар харах бүлгээ. Нэгэн өдөр Дува сохор, Добу мэргэн дүүтэйгээ ан хийж яван бурхан халдун уулан дээр гарав. Дува сохор уулан дээрээс харвал Түнхэлэг горхин уруу нэгэн бүлэг иргэд нүүн ирж байгааг ах Дува сохор нь үзээд хэлэхдээ: "Тэр нүүдэл иргэний дотор, тэрэгний мухлагийн өмнө нэг сайхан охин сууж явна. Хүний гэргий болоогүй бол Добу мэргэн дүү чамд гуйж гэргий болгоё" гээд түүнийг үзүүлэхээр Добу мэргэн дүүгээ илгээв. Добу мэргэн тэр нүүдэлд хүрч тэр охиныг үзвэл алдартай, гоо сайхан охин бөгөөд хүний эхнэр болоогүй ажээ. Нэр нь Алун-гуа гэнэ...
цэнд аюуш 2021-04-26
чингэлтэй дүүргийн нуурын 22-ын 490