Мегрэ тэнүүлч хоёр
Эрхлэн гаргасан: Болор судар хэвлэлийн газар
- ISBN: 978-99962-3-934-2
- Хавтас: Зөөлөн
- Хэвлэгдсэн он: 2016
- Хуудас: 160
- Хэмжээ: 115*175мм
- Үлдэгдэл: Дууссан
Орфевр эрэг болоод Мари гүүрийн дундах зам дээр Мегрэ гэнэт хэсэгхэн зуур зогсов. Гэвч түүнтэй зэрэгцэн алхаж явсан Лапуэнт юу ч ажиглаж амжсангүй. Хэдхэн секунд, бүр үнэнийг хэлбэл хэдхэн долийн хугацаанд комиссар өөрийгөө яг л өөрийн энэ дагуул шиг залуухан мэт мэдрэв.
Магадагүй бүх зүйлийн буруутан нь энэ агаар байж болох. Агаар хурц, анхилуун тансаг, гайхалтай цэвэр тунгалаг байсан билээ. Өнөөдрийнх шиг иймэрхүү нартай тун ч олон өглөөг байцаагч Мегрэ үзэж байсан. Тэр үед тэрээр гэмт хэргийн цагдаагийн гудамжны хэв журмыг зохицуулан хамгаалах албанд дөнгөж томилогдсон байсан үе. Гэмт хэргийн тасгийн цагдаагийн хэлтсийг Парисынхан урьдны л янзаараа Сюрте гэж нэрлэж байсан цаг. Тэр Парисын гудамжнуудыг хөндлөн гулд хэсүүчилдэг байсан ба тэр ч байтугай бүр үдэш орой болтол ч явах тохиолдол байдаг байлаа.
