Залууст зориулсан ном 40 хувь хямдарна.
Азхур номын их дэлгүүрээс " Дэлхийн номын өдөр"-ийг тохиолдуулан дараах номуудыг "Залуус"-таа зориулан 2020-04-23 өдрөөс 25-ны өдрийг дуустал 40 хувь хямдруулна.
1. Би Би-гээрээ амьдрахаар шийдсэн
"Би томчуудын хэлснээр бүгдийг хийсэн. Дунд сургуульд сур, дараа нь их сургуульд сур, ажил ол. Өндөр цалинтай бол. Тэгээд байшин худалдаж ав, гэр бүл зохио. Би бүгдийг нь дагасан. Тэгсэн ч гэсэн яагаад би өөрийгөө сул дорой, хүчгүй, өчүүхэн нэгнээр мэдэрдэг болов.
Мэргэжлээ буруу сонгосон юм болов уу?
Их сургуульдаа илүү сайн сурах ёстой байсан юм болов уу?
Тэсэж тэвчээд дургүй ажилтай зууралдаж суусан нь дээр байсан юм уу?
Хичээн их бодсон ч яг юу нь болохгүй байсныг мэдсэнгүй.
Яг хаана нь алдаа гарчихсан юм бол?
Энэхүү ном бол, яагаад би өөрийгөө өчүүхэн нэгэн гэж бодсон, мөн юу намайг өчүүхэн нэгэн болгосон бэ гэдэг эргэлзээтэй асуултын хариулт юм.
2. Цагаан соёот
Америкийн нэрт зохиолч Жек Лондоны бичсэн уг номд чоно, нохойн эрлийз Цагаан Соёотын хатуу хүнд бэрхшээл саадуудыг халшралгүй давсаар, эцэстээ сайн эзэнтэй болж, түүний хайр халамжийг хүртэж байгаа тухай өгүүлнэ. Цагаан соёотын түүх сэтгэл татам, гайхалтай үйл явдлаар дүүрэн.
3. Мастер, Маргарита хоёр
Энэ романыг өнгөрсөн зууны 20-30-аад оны Зөвлөлтийн хотынхны аж амьдралын он тооллын ёгт товчоон хэмээн тодорхойлсон нь бий. Бас зөгнөлт бөгөөд шидэт реализмын бүтээл гэсэн нь буй. Амраг сэтгэлийн дууль ч гэх нь бий. Хорвоогийн эрээн бараан, сайн муу явдлын зөрчил тэмцэл, харилцан шүтэлцээ, үгүйсгэлийг нэг талаас амьдралын хар ухааны бодит сэтгэлгээ, нөгөө талаас буян нүгэл, бурхан бугийн ойлголтын сүлжээгээр бясалган урласан бүтээл юм.
4. Стивен Хокин - Сэтгэлгээ нь хүлээсгүй ухаантан
Номын гол баатар Стивен Хокин бол 1942 оны нэгдүгээр сарын 8-нд хорвоод мэндэлсэн. Английн онолын физикч, космологич (огторгуй орчлон ертөнц судлаач гэсэн агуулгатай энэ үгийг бид биологич, геологич гэж хэлж заншсан адилаар ийнхүү буулгав), Кембриджийн их сургуулийн Онолын космологийн төвд шинжилгээ судалгааны захирлын албан үүрэгтэй хүн юм. Эмч нар түүнийг 21 настай байхад нь "Лу Гэригийн өвчин" хэмээн нэрлэдэг, 100 мянган хүн тутмаас дунджаар 3-5 хүн өвчлөх магадлалтай нэн ховор тохиолддог хөдөлгөөний нейроны өвчний онош тавьж хэдхэн жил л наслах үлджээ гэсэн ажээ. Тэр цагаас хойш өвчин нь аажмаар гүнзгийрч хөдөлгөөний эрхтэнүүд нь мэдрэлгүй болж байнгын суумгай төдийгүй бодол санаагаа тусгайлан хийсэн компьютероор дамжуулан, хацрын булчингийн хөдөлгөөни удирдлагаар дуу авиа үүсгэгч ашиглан илэрхийлдэг болсон байна. Эмч нарын оношоор бол энэ хорвоог аль хэдийн орхисон байх ёстой байсан боловч өдий 73 насалж хоёр удаа гэрлэж, гурван хүүхдийн эцэг болжээ.
5. Зуун жилийн ганцаардал
Хосе Аркадио Буэндиа ба Макондо тосгон болон түүний удмынхны 100 жилийн амьдралыг харуулсан зохиол юм. Үхэл ба амьдрал, хүсэл мөрөөдөл зэргийг зохиолдоо чадмаг хослуулж, Буэндиагийн гэр бүлийнхний ганцаардмал хувь заяаг дүрслэн үзүүлжээ. Буэндиaгийнхний зургаан үеийн амьдрал ид шид, уран зөгнөл, шашны эрс тэс уур амьсгал, хэрүүл тэмцэл, ололт амжилт зэрэг амьдрал дээр байж болох бүхий л зүйлсийг энэ зохиолд тусгасан болно. Энэ удмынхны эхнийх нь модонд хүлүүлж, эцсийнх нь шорuоолжинд идүүлж үхэх эмгэнэлт хувь тавилан хүлээж байна. Хайр харуусал хүний амьдралын тааж боломгүй хувь заяаг харуулна.
6. Амьсгал агаар болохуйд
Энэхүү ном нь эмч Калантинийн амьдралын гэгээн дурсамжийн цоморлиг билээ. Энэхүү номыг уншсаны дараа мартана гэдэг товчхондоо байж боломгүй зүйл мэт санагдана... Уг номын олон хүнд хүрсэн шалтгаан гэвэл зохиолчийн гүн гүнзгий бодрол, өргөн мэдлэг, нөгөө нэг шалтгаан нь хүсэл тэмүүлэлтэй ажиллаж, амьдрах, цуцашгүй зоригтойгоор хүнд бэрхтэй тэр дундаа үхэлтй тэмцэж болдгийг харуулсанд оршиж байгаа юм.
