Ээжүүдэд зориулсан ном 40 хувь хямдарна.
Азхур номын их дэлгүүрээс " Дэлхийн номын өдөр"-ийг тохиолдуулан дараах номуудыг "ЭЭЖ"-үүддээ зориулан 2020-04-23 өдрөөс 25-ны өдрийг дуустал 40 хувь хямдруулна.
1. Зоригт анчин бүсгүй
Английн зохиолч Томас Майн Рид 1818 онд Ирландын Боллиронид санваартны гэр мэндэлсэн бөгөөд тэрээр амьдралынхаа хугацаанд нийтдээ 75 роман, олон тооны өгүүллэг бичсэний шилдэг бүтээлүүдийнх нь нэг "Зоригт анчин бүсгүй" роман юм. Тус романд Америкийн уугуул индианчуудын ахуй амьдрал, ёс заншил, хүсэл мөрөөдөл, хайр дурлал, газар нутгийн төлөө тэмцлийн тухай өгүүлжээ.
2. Тэнгисийн дундах гэрэлт цамхаг
Барууны фронтод өнгөрүүлсэн хүндхэн дөрвөн жилийн дараа Том Шерборн Австрали руу буцаж, <Янус Рок> гэх тусгаарлагдсан аралд гэрэлт цамхгийн харгалзагчаар ажилд ордог. Тэрээр нэгэн удаа ойролцоо байрлах хотод очиж Изабель хэмээх бүсгүйтэй танилцан, бие биедээ хайртай болсноор хамтдаа цамхагт амьдрахаар шийднэ.
Тэд хэдэн удаа хүүхэдтэй болохыг хичээсэн ч бүтэлгүйтнэ. Нэгэн өдөр Изабель хүний ертөнцөд ирэх хувь дутсан хүүхдүүдийнхээ булшин дээр уйтгарлан зогстол нялх хүүхдийн уйлах чимээ сонсогддог. Тэрээр эрэг дээр хөвж ирсэн завинд үхсэн эр, хүүхдийн хамт байхыг олно. Том энэ талаар цагдаад мэдэгдэхийг хүссэн ч Изабель бурхны бэлэг хэмээн үзэж хүүхдийг өсгөхөөр болно. Энэхүү шийдвэр ямар үр дагавар авчирч, тэднийг эх газрын хүмүүс юу гэж бодох бол?
3. Чамтай учрахаас өмнө
Тэр нэгэн өдрийн санамсаргүй осол Уилл Трейнорын амьдралыг орвонгоор нь эргүүлжээ. Түүний хувьд бүх зүйлс дэндүү өчүүхэн, уйтгар гунигтай, бас ямар ч утгагүй болсон бөгөөд энэ тавиланг хэрхэн өөрчлөхөө тэр сайн мэдэж байлаа. Гэтэл гэнэт Луи гарч ирнэ. Бүсгүй түүний амьдралд орж ирснээр бүгдийг эргүүлж, цоо шинэхэн өнгө аяс нэмэхийг Уилл үнэндээ яахан мэдэх билээ.
4. Эх дагины далд түүх
Цэнд зайсангийн дунд охин Дондогдуламын тухайд сүүлийн зуун жил бид өөлж, шоолж, муулж ярьсаар өдийг хүрчээ. Гэтэл хаан Чингис мэндэлсэн Хан Хэнтий зүгийн энэ бүсгүй бидний цөөхөн монголчуудын сүүлчийн амьд шүтээн VIII Богд Жавзандамба хутагттай Амарбаясгалантын газар танилцаж, арваад жил амраг сэтгэлийн холбоотой явсаар хөхөгчин могой жил /1905 он/ ил гарч, улмаар цагаагчин гахай жил 1911 онд Улсын Эх дагинын өндөр сэнтийд өргөмжлөгдсөн их хувь заяатан санжээ. Улсын эзний хамгийн ойрын хүний хувьд Чин ван Ханддорж, Да лам Цэрэнчимэд нарын амь дүйсэн үйлсийг дэмжиж байсан төдийгүй Д.Сүхбаатар, Х.Чойбалсан нарт ч талтай хандаж явсныг түүх гэрчлэх тул энэ номд дарууханаа өгүүлэн ярууханаа тодруулахыг хичээлээ. Таалал орших болтугай.
5. Тагнуулч
Пауло Коэльо үнэнхүү баялаг түүхтэй нэгэн билээ. Үхэлтэй зуурд учирч, галзуурлын ирмэгт тулж, мансууруулах бодисын нөлөөнд автаж, эрүү шүүлт давж, ид шид, алхими туршиж, шашин, гүн ухаан судалж, шашинд автаж, итгэлээ эргэн алдаж, хайр сэтгэлд умбаж ер нь үзэж болох бүх л зүйлийг туулсан тул дийлэнх зохиолоо өөрийн амьдралаас сэдэвлэсэн байдаг. Амьдралын утга учрыг ухаарч, ертөнц дэх байр сууриа олохоор эрэх явцдаа хүн бүр өөрийн хувь заяаны эзэн гэж эргэлтгүй итгэх болжээ.
6. Нөхрийн нууц
Хөөрхий, бяцхан Пандора. Зевс бүсгүйд нууцлаг нэгэн ваар өгөөд, огт танихгүйн дээр тэнэг нь дэндсэн Эпиметейтэй гэрлүүлэхээр явуулжээ. Түүнд ваарны тухай хэн ч, юу ч хэлсэнгүй. Амыг нь онгойлгох учиргүйг сануулсангүй. Ийм байхад тагийг нь онгойлгож үзнэ гэдэг наад захын хэрэг байв. Тэр өөр яах ёстой байсан гэж? Бүх л нүгэл хилэнц, аюул занал тэндээс шуртхийн гарч, тахал мэт тархан, хүн төрөлхтнийг үргэлжийн мөнх тарчлааж, вааранд зөвхөн итгэл найдвар л хашигдан үлдэнэ гэдгийг хөөрхий Пандора хаанаас мэдэх билээ? Яагаад вааран дээр ямар ч анхааруулга байгаагүй юм бэ? Тэгсэн атал хүн бүр л "Пандора минь, даанч яав даа, сэтгэлийн тэнхээ чинь хаачив" гэцгээх аж. "Хайрцагийг онгойлгох ёсгүй байсан шүү дээ, хэрэгт дуртай охин минь, эмэгтэй хүний өнөөх л нэг ханаж цадашгүй сониуч зан чинь одоо юунд хүргэснийг хараач!" гэцгээнэ. Эцсийн эцэст, хайрцаг биш ваар байсныг, бас хэн ч түүнд онгойлгож болохгүйг сануулаагүйг тэр хэдэн удаа хэлэх ёстой вэ?
