BOOK.MN | Номын зохиолч Лувсандаш Содов

Лувсандаш Содов

1929 онд Булган аймгийн Сэлэнгэ сумын (Бугат, Хутаг-Өндөр сумдын зааг) Уул Алтаад хэмээх газар мэндэлжээ. 1940 онд Булган аймгийн Харгана суманд бага сургуульд элсэн орж, улмаар Д.Сүхбаатарын нэрэмжит Цэргийн ерөнхий сургуулийн холбооны ангийг дүүргэв. Сургуулиа төгсгөөд “Улаан од” сонины газар хянагч, 1954 оноос “Үнэн” сонины газар редактор, сурвалжлагч, орчуулагч зэрэг ажлыг хийсэн. 1956-1961 онд ЗХУ-ын Ленинград хотын А.Ждановын нэрэмжит Улсын их сургуульд суралцан төгсгөж, сэтгүүлч мэргэжилтэй болжээ. 1961-1964 онуудад МУИС-д багш, сэтгүүл зүйн тэнхимийн эрхлэгчээр ажиллав. 1964 оноос “Улаан од”, “Утга зохиол урлаг” сонины хариуцлагатай нарийн бичгийн дарга, МСХ-ны хороонд ахлах референт зэрэг ажлыг хийж, хэвлэл мэдээллийн байгууллагад 30 шахам жил хөдөлмөрлөжээ.