Чонын алтан шагай
- ISBN: 978-99929-6-570-3
- Хавтас: Зөөлөн
- Хэвлэгдсэн он: 2017
- Хуудас: 400
- Хэмжээ: 200*145мм
- Жин: 445
- Үлдэгдэл: Дууссан
Гарын үсгэн доторхи ганц цэцэг
-Үүнийг ажиглахгүй байна уу? гээд сүүлчийн угалзалсан зураасан дундах ялихгүй цэгийн төдийг заагаад, аав минь чи зураач болох хүн өвөрмөц содон гарын үсэгтэй байх учиртай, гарын үсэг их юмыг агуулдаг юм шүү гээд энэ цэгээн надад тайлбарлаж байсан юм. Энэ жижиг цэг гэрээс бичигт алга, тиймээс түүнийг өөр хүн дуурайлгаж зурахдаа цэгийг орхижээ гэж Мөнх нарыг хэлэхэд тэр хоёр мэл гайхан өөд өөдөөсөө харлаа.
-Өвгөн ахыгаа чи шоронд хийх нь байна шүү. Би банкинд дөчөөд жил ажиллахдаа энэ гарын үсгээр мэргэжсэн гэхэд болно. Гарын үсгийн баталгаа гэж бас нэг юм банкинд хадгалагддаг гээд бас нэгэн баримт олж үзүүлэв.
Нийлүүлж харлаа. Үнэхээр Хүрлээ гэдгийн сүүлийн мушгирсан зураасанд хар цэг хийснийг өвгөн тогтоон ажиглав.
-Элээ аягатай сүүнд хялгас хөвж явааг тэнгэрээс хардаг гэсэн.
Чи энэ хэдэн үсгийн дотроос ийм зүүний торгон үзүүр шиг юм ажиглана гэнэ ээ. Ёстой өрөмний өт шиг хөдөлгөөнтэй хүү байна. Ийм хүнийг шагнахгүй бол алдас болно гээд ширээнийхээ нүднээс "Шарп" гэсэн бичигтэй тооны машин гаргаж дурсгав.
