Пунцагийн Бадарч I, Бөрттэй цагаан сарны доор би...
Эрхлэн гаргасан: Сэлэнгэ пресс
- ISBN: 978-99929-2-951-5
- Хавтас: Хатуу
- Хэвлэгдсэн он: 2018
- Хуудас: 377
- Хэмжээ: 210*150мм
- Жин: 480
- Үлдэгдэл: Дууссан
Хав харанхуйд
Чив чимээгүйхэн
Хацар дал шүргэн алдан
Шувуу нисэх нь гай мэт
Хайрт минь ийм л үеп
Хажууд чи байхгүй нь уйтай
Хамгаас аймшиг ганцаардал гэдгийг
Халуунзүрх минь мэдэрнэм
Холын одны гэрэл хүрэлцэхгүй
Хоосон хар харанхуйд
Хов үг шиг
Хоёр тасдах шахан
Шөнийн шувуу нисэх нь
Сэжиглэлтэй.
Үүлгэртэн сэрэмжлэхэд
Үзэсгэлэн гоо чинь харагдаж
Үг хэлэх чинь сонсогдож
Үе үе чи ойрхон ирж буцна
Үсний чинь сүлбээр шиг
Хархан хараацай
Үсийг минь сүлбэн өнгөрнө.
Хоёул байхад эрхлэх мэт
Мөр шүргэн ниссэн шувуу
Хоосон харанхуйд болохоор
Хагацлын зар мэт санагдана
Уйд дарагдан чамайгаа санана
Удахгүй үүр цайна.
Ахиад шөнө болохгүй юм шиг
Алтранхан гэрэлтэж цайна.
Амрагхан гоо минь
Айдсыг хөөн бас ирнээ
Шөнийн харанхуйд
Шүүрс алдан ганцаардаж
Сүрхийн өнгөрөх
Шувуунаас ч цочин
Эмзэгхэн сэтгэл минь
Эмтрэн ухах юм даа
Эгшиглэнд тэнгэр минь
Энэ л мөчид намайгаа бүү орхиоч!
