САНАЛ АСУУЛГА

Шүгдэн

Зохиогч : Г.Аюурзана
Хуудас: 333
Хэмжээ: А5
Хэвлэгдсэн он: 2012
20,000₮
()
Нэмэлт үйлчилгээ
  1. Баглаа сав
Агуулга

Шүгдэн.  Гүмбум хийдэд лам алагджээ...

Машины хүлээн авагчаар аллагын тухай мэдээлж байх нь тэр. "Шарын шашныг үндэслэгч Зонховын мэндэлсэн газар Гүмбум хийдэд хүн амины хэрэг гарчээ. Навчин дээр нь Буддагийн дүр тодордог хэмээх алдарт модны доор залуухан лам алагдсан байна...."

-Хн Нөгөө, мэдээллийг цаг мөч тутам хянадаг гээд байдаг нь яачихсан хэрэг вэ? Хөрөнгөтний технологитой хамт хүн бүр өөр өөрийнхөөрөө хашигчдаг хөрөнгөтний тэнэглэл бас орж ирнэ гэдгийг уг нь тооцох ёстой байсан юм даа! Юу ч тодорхой болоогүй байхад ингээд л санаан зоргоороо орон даяар чалчиж байх! гэж ахлах шинжээч бухимдаад, хүлээн авагчийг унтраачихав. Ингээд замын турш дугуйн бөглүү чимээ л чагнаж, таг дуугүй явцгаажээ.  Хөхнуур муж дахь буддын шашны томоохон хийд Гүмбумд өчигдөр үүрээр нэгэн лам алагдсан байж. Мужийн цагдаагийнхан хэргийн газар ажиллаж байгаа ч, төвөөс бас хүч нэмэгдүүлэнэ, тусгай шинжээч, тусгай мөрч нохой аваачихаар шийдвэрлэсэн тул томилолтын баг Ордосоос хийдийг зорьж яваа нь энэ....

Туулай жилийн намар, өвөл бичигдээд уншигчдын гар дээр очиж буй шинэ романы нэр “Шүгдэн”. Энэ бол өнөө цагт Буддын шашны ертөнцөд ихээхэн маргаан тарьж буй нэгэн өвөрмөц шүтээний нэр бөгөөд уг шүтээнийг Шарын шашны тэргүүн XIV Далай лам хориглосон нь олон учир битүүлэг маргаан, оньсогыг дагуулсан аж.

Монголчуудын сайн мэдэх Гүмбум хийдэд нэгэн лам учир битүүлгээр амиа алдаж, хэргийг мөрдөхөд оролцохоор Өвөрмонголоос нохойн албаны монгол цагдаа томилогдон очиж буйгаар зохиолын үйл явдал эхэлнэ. Гэвч Хойд хятад даяар алдартай мөрч нохой нь ажлаа ч гүйцэтгэж амжилгүй мөн л учир битүүлгээр үхдэг. Золгүй явдлын ул мөр бараг л замхарч байх үед өвөрмонгол цагдаа өөрийн эрхгүй мөнөөх хэрэгтэй хутгалдаж, бүр хувиараа мөрдөж эхэлдэг бөгөөд энэ зуураа өвөг дээдсийнхээ шүтэж ирсэн Бурханы шашны талаархи олон зүйлийг ойлгож ухаардаг. Учир битүүлгээр амиа алдсан лам Шүгдэн сахиус тахидаг байсан нь уг романы нэр болсон бөгөөд түвдээр энэ үг "аливааг атган баригч их хүч" хэмээсэн утгыг агуулдаг нь давхар ёгт бэлгэдлийн санааг ч агуулжээ.

Зохиол ерөнхийдөө Хятад дахь монголчуудын хувь заяа, лам нарын сахил санваар өнөө цагийн ёс сурталтай хэрхэн зөрчилдөн самуурч буй, шашин ч бас дотроо үзэл бодлын хувьд туйлшралд автан, сүсэгтнүүдийн дунд үл ойлголцол үүсгэж буй, их гүрний бодлогын золиос болсон жижиг үндэстнүүд үлдэхийн тулд цөхрөлтгүй тэмцэвч хэрхэн хүчин мөхөсдөж буй тухай өгүүлнэ. Монгол үндэстний таслагдал хэрчигдлийн сэдэв энэ романы дэвсгэр өгүүлэмж болжээ. Нууцлаг аллагын учрыг ч романд бүрэн тайлдаггүй; энэ мэт олон зүйлийн эцсийн гаргалгааг уншигч өөрөө л оюун санаандаа эцэслэн дүгнэх эрхтэй үлдэнэ.

Сэтгэгдлийг ачааллаж байна ...